დიმიტრი უზნაძის ქ. #68

0102, თბილისი, საქართველო

09:00 - 18:00

ორშაბათი - პარასკევი

რიწა

„რიწა“ 1975 წელს, სოხუმში, ალმანახის ფორმატში, აფხაზეთის ქართველ მწერალთა ინიციატივითა და ძალისხმევით დაარსდა. მოგვიანებით გამოცემამ ჟურნალის სახე მიიღო. პერიოდულ გამოცემაში ქართველი და აფხაზი პოეტების ნაწარმოებები იბეჭდებოდა.

1992-1993 წლებში საომარი მოქმედებების გამო ჟურნალმა არსებობა შეწყვიტა. 1994 წელს, აღდგენილი „რიწის“ შემოქმედებით ცხოვრებაში ახალი ათვლის წერტილი, სახელად „ომი“ გაჩნდა. ომგამოვლილმა ჟურნალმა ფორმატი და პროფილი შეიცვალა და სალიტერატუროსთან ერთად, საზოგადოებრივი ფუნქციაც შეიძინა. ახალმა შემოქმედებითმა გუნდმა (რედაქტორი – გივი ბერაია) – განახლებული დიზაინის, მაღალი პოლიგრაფიული ხარისხის, მრავალფეროვანი თემატიკისა და რუბრიკების, ახალგაზრდული ჩანართების, თარგმანების, დებიუტანტ ავტორთა შემოქმედების წარმოჩენის ხარჯზე, ჟურნალი უფრო კრეატიული, საინტერესო და მიმზიდველი გახადა. დევნილი ავტორების გვერდით იბეჭდებოდნენ ცნობილი კლასიკოსები: ოთარ და თამაზ ჭილაძეები, გურამ დოჩანაშვილი, ანა კალანდაძე, მურმან ლებანიძე, მუხრან მაჭავარიანი, ჯანსუღ ჩარკვიანი, და სხვები. აღსანიშნავია, რომ ჟურნალი სრულიად გაემიჯნა 90-იან წლებში დამკვიდრებულ „სიძულვილის ენას“ და მხოლოდ სიყვარულის და შერიგების გზავნილი გახლდათ აფხაზი თანამოძმისთვის.  „რიწა“ ეხმიანებოდა ყველა იმ ფაქტსა და მოვლენას, რაც კი აფხაზეთის ირგვლივ ხდებოდა.

ჟურნალ „რიწის“ რედაქტორები გახლდნენ: ოთარ ჭურღულია, გიორგი სიჭინავა, გურამ ოდიშარია, გივი ბერაია, ზაურ კალანდია.

ჟურნალი 2010 წელს დაიხურა და მისი განახლება მხოლოდ 2014 წელს აფხაზეთის ავტონომიური რესპუბლიკის  მთავრობის თანადგომითა და დაფინანსებით მოხერხდა. ჟურნალს სათავეში ჩაუდგა ცნობილი მწერალი და გამოცდილი რედაქტორი ზაურ კალანდია. მისი რედაქტორობის წლებში „რიწაში“ არაერთი ექსკლუზიური, მაღალი მხატვრული ღირებულებების მატარებელი მასალა დაიბეჭდა. 

2020 წლის იანვრიდან „რიწის“ მთავარ რედაქტორად მწერალი ნანა ქარდავა დაინიშნა. აღსანიშნავია, რომ ჟურნალის არსებობის ისტორიაში, პირველად ჰყავს ქალი რედაქტორი. 

ჟურნალი „რიწა“ ერთგულ მკითხველს ახალ შესაძლებლობას სთავაზობს. გადადით
ლინკზე, შეავსეთ აპლიკაციის ფორმა და მიიღეთ ჟურნალის 2020 წლის 1-ლი
ნომერი სახლიდან გაუსვლელად თქვენთვის სასურველ მისამართზე.

კვირა, der 26. ივლისი 2020
by
ჟურნალ „რიწის“ 2020 წლის მე-2 ნომრის პრეზენტაცია გაიმართა

ქალაქ ბათუმში, ჟურნალ „რიწის“ 2020 წლის მე-2 ნომრის პრეზენტაცია გაიმართა, რომელიც ორ ქალაქს სოხუმსა და ბათუმს ეძღვნება. შეხვედრას აფხაზრთის ავტონომიური რესპუბლიკის მთავრობის თავმჯდომარე რუსლან აბაშიძე, ქალაქ ბათუმის მერის მოვალეობის შემსრულებელი არჩილ ჩიქოვანი, აჭარის განათლების, კულტურისა და სპორტის მინისტრი მაია ხაჯიშვილი, იუსტიციისა და სამოქალაქო ინტეგრაციის საკითხებში აფხაზეთის ავტონომიური რესპუბლიკის[...]

ვრცლად
შაბათი, der 2. მაისი 2020
by
რიწა 1 2020

ჟურნალ „რიწის“ რედაქტორი ნანა ქარდავა: "მადლობელი ვარ მოლოცვებისთვის. გუშინ გამოვიდა ჟურნალ ,,რიწის" პირველი ნომერი, როგორ ველოდი და რამხელა გეგმები მქონდა! ყველაფერი გადაწია კორონამ, იმედია დროებით. მთავარია, რომ ზუსტად იმ ვადებში გამოვეცით, როგორც დავთქვით! და კიდევ უფრო მთავარია, რომ გამოვიდა დღეს - ზვიად გამახურდიას დაბადების დღეს! ჟურნალი ხომ მის[...]

ვრცლად