დიმიტრი უზნაძის ქ. #68

0102, თბილისი, საქართველო

09:00 - 18:00

ორშაბათი - პარასკევი

იალქანი

1996 წელს დევნილობაში დაარსებულ საყმაწვილო ჟურნალ „იალქანს“, რომელიც, ვინ იცის, კიდევ რამდენი ხნის დაკარგულ აფხაზეთზე აფხაზეთის გარეშე ილაპარაკებს, თავისი გამორჩეული მკითხველი ჰყავს – მოსწავლე ახალგაზრდობა.

„იალქანი“ აფხაზეთის ომის შემდეგ შეიქმნა; შეიქმნა იგი ყმაწვილებისთვის, „ომის შვილებისთვის“ სულიერი და ეროვნული ცნობიერების საზრდოდ; იმიტომ, რომ აფხაზეთის დაკარგვიდან 4 წლის შემდეგ მშობლიური კუთხის დავიწყების საშიში პროცესი უკვე დაწყებული იყო.

როგორც ყველა სხვა საბავშვო თუ საყმაწვილო გამოცემა, „იალქანიც“ არაპოლიტიკურია. ამიტომაც კითხვას, რატომ დაიკარგა აფხაზეთი, ჟურნალი არასოდეს სვამს. მაგრამ მუდმივად მოუთხრობს ყმაწვილებს იმის შესახებ, რომ მათი და მათი მშობლების ქალაქები, სალოცავები, ადგილის დედა, შორს დარჩენილი, ჩვენია, ქართულია, დასაბრუნებელია, უამბობს ქართულ-აფხაზური ურთიერთობის საამაყო წარსულზე, როცა ეს ორი ხალხი ერთად იბრძოდა საერთო მტრის წინააღმდეგ და განურჩეველი მოწიწებით თაყვანს სცემდნენ საერთო სალოცავებში დაცულ ქრისტიანულ სიწმინდეებს.

კომპიუტერულ ეპოქაში, როცა მოზარდი პრაქტიკულად დაცილდა წიგნს და აღმოჩნდა ნიჰილიზმით გაუცხოებულ საზოგადოებაში, „იალქნის“ დანიშნულება განსაკუთრებულია: რაც შეიძლება, მეტი მკითხველი ჰყავდეს ჟურნალს.

„ჩვენდა საბედნიეროდ, მრავალ სასულიერო გამოცემასთან ერთად, ასეთი გამოცემაც ეხმარება ჩვენს ერს ჭეშმარიტი მამულიშვილების აღზრდაში“ – დაწერს „იალქანზე“ დიდი მწერალი გურამ დოჩანაშვილი.
ჟურნალის ავტორები არიან როგორც აფხაზეთის მკვიდრი პოეტები და მწერლები, პუბლიცისტები, ასევე, ცნობილი ქართველი მოღვაწეები, უცხოელი ავტორები.
რუბრიკით „დაფიონი“ ჟურნალში სისტემატურად იბეჭდება შემოქმედებითი უნარით დაჯილდოებული ბავშვების ლექსები, მოთხრობები, თარგმანები, ნახატები. პოლიტიკისგან შორს მდგარი ყმაწვილების მიერ დანახული სამყარო განსაკუთრებით საინტერესოა.

ჟურნალის შემოქმედებითმა კოლექტივმა იზრუნა ყველაზე პატარებისთვის – 2010 წლიდან „იალქანთან“ ერთად გამოდის „აფქიოც“. ეს არის კონა-კრებული სკოლამდელი ასაკის ბავშვებისათვის, ყველაზე მხიარული და გასართობი გვერდებით.

„იალქნის“ დამაარსებელი და პირველი რედაქტორი (10 წლის განმავლობაში) იყო სოხუმელი – სალომე კაპანაძე, დღეს უკვე წარმატებული მეცნიერი და პედაგოგი, ფილოლოგიურ მეცნიერებათა დოქტორი. 2005 წლიდან „იალქნის“ რედაქტორი სოხუმელი ჟურნალისტი – ნანა ჭანტურიაა; მხატვრული რედაქტორი – პოეტი ნუნუ ჯანელიძე; მხატვარი და პასუხისმგებელი მდივანი – პოეტი დალი მუხაძე. ჟურნალის დიზაინერი და დამკაბადონებელია ვახტანგ ზაქარაია.

ხუთშაბათი, der 15. ოქტომბერი 2020
by
გამოვიდა ჟურნალ „იალქნის“ 2020 წლის მე-2 ნომერი

გამოვიდა ჟურნალ „იალქნის“ 2020 წლის მე-2 ნომერი, რომელიც დატვირთულია საინტერესო სიახლეებით და მოუთენლად ელის პატარ მკითხველებთან შეხვედრას. შეგახსენებთ, რომ „იალქანი“ საყმაწვილო ჟურნალია, რომელიც 1996 წლიდან გამოიცემა. წლების განმავლობაში ჟურნალი მრავალი მოზარდის საყვარელ გამოცემად იქცა.  უკვე ათი წელია ჟურნალთან ერთად იბეჭდება „აფქიოც“, კონა-კრებული ყველაზე პატარა მკითხველისათვის, რომელიც სკოლამდელი ასაკის[...]

ვრცლად
ხუთშაბათი, der 11. ივნისი 2020
by
იალქანი 1 2020

გამოვიდა ჟურნალ “იალქნის” 45-ე საიუბილეო ნომერი. ჟურნალ „იალქნის“ რედაქტორი ნანა ჭანტურია: “გარკვეული წარმოდგენა რომ შეგექმნათ ახალ ნომერზე, შევეცდებით, ზოგადად მიმოვიხილოთ სრული გამოცემა და რუბრიკების მიხედვით შევჩერდეთ ცალკეულ პუბლიკაციებზე. ჟურნალი იხსნება რუბრიკით „ჩვენი ქალაქის ფერებით“. გაიგებთ, ვინ იმოგზაურა აფხაზეთში XIX ს.-ში, როდის მიიღო პეტერბურგმა სოხუმიდან გაგზავნილი პირველი დეპეშა, ვინ[...]

ვრცლად