დიმიტრი უზნაძის ქ. #68

0102, თბილისი, საქართველო

09:00 - 18:00

ორშაბათი - პარასკევი

გოგონათა ფოლკლორული ანსამბლი “გუმბათი”

მიუხედავად იმისა, რომ ანსამბლი გუმბათი სულ რამდენიმე წელია არსებობს მათ მოახერხეს მსმენელთა და თაყვანისმცემელთა გულის დაპყრობა.  წლების განმავლობაში ანსამბლი მონაწილეობას იღებდა სხვადასხვა სახის საქველმოქმედო ღონისძიებებში, კონცერტებსა და ფესტივალებში. 2019 წელს არტ-გენის ფესტივალში მონაწილეობამ ანსამბლი ფართო საზოგადოებისთვის ცნობადი და საყვარელი გახადა.  გოგონების მიერ სხვადასხვა ქართულ ხალხურ საკრავებზე  შესრულებულმა სიმღერებმა განსაკუთრებული მოწონება, აღტაცება და ოვაციები დაიმსახურა.  სიმბოლური ხასიათისაა ისიც, რომ პირველი ტურნე და სოლო კონცერტი საზღვრისპირა სოფელ რუხში 2019 წელის 23 მაისს „აფხაზეთობის“ დღესასწაულზე შედგა. 

ანსამბლში ისწავლება სხვადასხვა კუთხის ქართული ხალხური სიმღერა, გალობა და ქართულ ხალხურ საკრავებზე დაკვრა ( ფანდური, ჩონგური, ბასფანდური, ჩონგური დაბალი ბანი, ჭუნირი, სალამური, ჭიბონი, დასარტყამი ინსტრუმენტები). 

ანსამბლი „გუმბათი“ 12 ნიჭიერი გოგონასაგან შედგება.  წევრების შერჩევა კი, კონკურსის შედეგად ხორციელდება.

“გუმბათი” “მომავლის ვარსკვლავების” გამარჯვებული გახდა

აფხაზეთის კულტურის, სპორტის და ახალგაზრდულ საქმეთა სააგენტოს, გოგონათა ფოლკლორული ანსამბლი “გუმბათი”, საგუნდო კორკუსის “მომავლის ვარსკვლავების” პირველი პრემიის მფლობელი გახდა. კონკურსი – “მომავლის ვარსკვლავები” საქართველოს ხელოვანთა კავშირის, “ხელოვანები მომავლისთვის” ორგანიზებითა და საქართველოს კულტურის, სპორტისა და ახალგაზრდობის სამინისტროს ხელშეწყობით იმართება.

ვრცლად
თბილისის ეთნოგრაფიულ მუზეუმში „აფხაზური ეზოს“ პრეზენტაცია გაიმართა

თბილისის ეთნოგრაფიულ მუზეუმში „აფხაზური ეზოს“ პრეზენტაცია გაიმართა. „თბილისობის“ დღესასწაულის ფარგლებში, თბილისის ეთნოგრაფიულ მუზეუმში, აფხაზეთის ავტონომიური რესპუბლიკის განათლებისა და კულტურის სამინისტროს ორგანიზებით, „აფხაზური ეზოს“ პრეზენტაცია გაიმართა. პრეზენტაციის პარალელურად, აფხაზეთის კულტურის, სპორტის და ახალგაზრდულ საქმეთა სააგენტოს, გოგონათა ფოლკლორულმა ანსამბლმა „გუმბათმა“ აფხაზური და ქართული ფოლკლორული ნაწარმოებები შეასრულა.

ვრცლად
გოგონათა ფოლკლორული ანსამბლი “გუმბათი”, საგუნდო კორკუსის “მომავლის ვარსკვლავების” პრემიის მფლობელი გახდა

აფხაზეთის კულტურის, სპორტის და ახალგაზრდულ საქმეთა სააგენტოს, გოგონათა ფოლკლორული ანსამბლი “გუმბათი”, საგუნდო კორკუსის “მომავლის ვარსკვლავების” მე-2 პრემიის მფლობელი გახდა. კონკურსი – “მომავლის ვარსკვლავები” საქართველოს ხელოვანთა კავშირის, “ხელოვანები მომავლისთვის” ორგანიზებითა და საქართველოს კულტურის, სპორტისა და ახალგაზრდობის სამინისტროს ხელშეწყობით იმართება, რომელიც 10 დეკემბერს დასრულდება. ფესტივალს, ხელოვანთა კავშირის ხელმძღვანელი, ნინო კუპატაძე[…]

ვრცლად