მარიამ მურღვლიანმა ვერცხლის მედალი მოიპოვა და ევროპის ვიცე-ჩემპიონი გახდა

აფხაზეთის კულტურის, სპორტისა და ახალგაზრდულ საქმეთა სააგენტო საქართველოს ეროვნული ნაკრების წევრს, აფხაზეთიდან დევნილ მარიამ მურღვლიანს ულოცავს ძალოსნობის ევროპის ჩემპიონატის ვერცხლის მედლის მოპოვებას და უსურვებს მას კიდევ უფრო დიდ მიღწევებს ეროვნულ და საერთაშორისო ასპარეზზე.

ევროპის ძალოსნობის ჩემპიონატზე (U20) სპორტსმენმა საქართველოს სარეკორდო ზღვარი ატაცში 8 კილოგრამით, აკვრაში 5 კილოგრამით, ხოლო ორჭიდში ჯამში 13 კილოგრამით გააუმჯობესა და ვიცე-ჩემპიონი გახდა.