აფხაზეთის კულტურის, სპორტის და ახალგაზრდულ საქმეთა სააგენტოსა და საქართველოს ინოვაციებისა და ტექნოლოგიების სააგენტოს შორის ურთიერთთანამშრომლობის მემორანდუმი გაფორმდა.
დოკუმენტს ხელი აფხაზეთის კულტურის, სპორტის და ახალგაზრდულ საქმეთა სააგენტოს დირექტორმა ავთანდილ ძაგანიამ და საქართველოს ინოვაციებისა და ტექნოლოგიების სააგენტოს თავმჯდომარემ ავთანდილ კასრაძემ მოაწერეს.
აღნიშნული მემორანდუმი მინზნად ისახავს აფხაზეთიდან დევნილი ახალგაზრდების ჩართულობას სხვადასხვა საგანმანათლებლო და პრაქტიკულ აქტივობებში, მათ შორის საგანმანათლებლო კურსებსა და შემეცნებით ტექნოლოგიურ ბანაკებში, ასევე ხელს შეუწყობს დევნილ ახალგაზრდებში სტარტაპ ეკოსისტემის განვითარებასა და აფხაზეთიდან დევნილი ახალგაზრდების აქტიურ ჩართულობას ინოვაციურ და ტექნოლოგიურ გარემოში.
