აფხაზეთის კულტურის, სპორტის და ახალგაზრდულ საქმეთა სააგენტოს მხარდაჭერით ოთხი წიგნი გამოიცა

2025 წელს აფხაზეთის კულტურის, სპორტის და ახალგაზრდულ საქმეთა სააგენტოს მხარდაჭერით “საგამომცემლო საქმიანობის ხელშეწყობის” პროგრამის ფარგლებში ოთხი წიგნი გამოიცა.

პროექტი აფხაზეთიდან იძულებით გადაადგილებული ან აფხაზეთის თემატიკაზე მომუშავე ავტორების მიერ შექმნილი ლიტერატურის შენარჩუნებასა და საზოგადოებაში პოპულარიზაციას ემსახურება, რომელიც ძირითადად ქართულ-აფხაზურ კულტურას, ტერიტორიულ სიმდიდრესა და ისტორიულ ფაქტებს მოიცავს.

აფხაზეთიდან დევნილი ავტორების წიგნებია: „აფხაზეთის აზნაურთა საგვარეულოები“ – ავტორი ლუკა ჯღარკავა, „ინტელექტუალური თამაშების საფუძვლები“ – ავტორი გიორგი კილაძე, „იგორ სამუშია – 60“ და ლიანა მიქაშავიძის წიგნი „სოხუმის ქართული თეატრი გისმენთ“.

აღნიშნული პროგრამის ფარგლებში მიმდინარე წელს კიდევ რამდენიმე წიგნის გამოცემა იგეგმება.