პროექტ „მე აფხაზეთისთვის“ 2025 წლის დაჯილდოების ცერემონია გაიმართა

აფხაზეთის მთავრობის თავმჯდომარის გადაწყვეტილებით, ღონისძიების მთავარი ჯილდო სრულიად საქართველოს კათოლიკოს-პატრიარქს, უწმინდესსა და უნეტარესს ილია მეორეს გადაეცა.

ღონისძიების ფარგლებში სხვადასხვა სფეროში მოღვაწე 12 გამორჩეული პირი დაჯილდოვდა, რომლებმაც თავიანთი პროფესიონალიზმით, ნიჭითა და დაუღალავი შრომით აფხაზეთის სახელი მრავალ წარმატებასთან დააკავშირეს და არაერთხელ ასახელეს.

“მე აფხაზეთისთვის” 2025 წლის ჯილდოს მფლობელები გახდნენ: სახელმწიფო და საზოგადო მოღვაწე ზურაბ ერქვანია, პროფესორი და მეცნიერი რევაზ სულუხია, სახელმწიფო მოღვაწე გოგი ფაცაცია, ფილოლოგი და მკვლევარი ნატო მარშანია, მხატვარი დავით გუა (ბაძაღუა), ჟურნალისტი ნანა ჭანტურია, მსახიობი ლილი ხურითი, სუმოისტი ლევან ცაგურია, ტელეწამყვანი და „მე აფხაზეთისთვის“ იდეის ავტორი, ტელეწამყვანი ლიკა კვარაცხელია, მუსიკოსი ზვიად ბოლქვაძე, ჭიათურისა და საჩხერის ეპარქიის მიტროპოლიტი მეუფე დანიელი (დათუაშვილი) და ცნობილი მეცნიერი, ღვაწლმოსილი პედაგოგი, ისტორიის მეცნიერებათა დოქტორი, პროფესორი ოთარ ჟორდანია.

ნომინანტებს სპეციალური პრიზები აფხაზეთის ა/რ უმაღლესი საბჭოს თავმჯდომარე ჯემალ გამახარიამ და აფხაზეთის ა/რ განათლებისა და კულტურის მინისტრმა ბექა ღვაჩლიანმა გადასცეს.

ღონისძიებას აფხაზეთის ა/რ მთავრობის, აფხაზეთის ა/რ უმაღლესი საბჭოს, აფხაზეთის კულტურის, სპორტის და ახალგაზრდულ საქმეთა სააგენტოსა და კულტურის სფეროს წარმომადგენლები ესწრებოდნენ.

დაჯილდოების ცერემონიალს მუსიკალურად აფორმებდა აფხაზეთის სიმღერის სახელმწიფო ანსამბლი ,,შავნაბადა“ და ,,გურამ ყურაშვილის სახელობის აფხაზეთის სახელმწიფო საგუნდო კაპელა“.